СЕМИНАР ОИД БА ХИЗМАТРАСОНИИ ИҶТИМОӢ

Душанбе, 29 июл. (АМИТ «Ховар», Лаззат Диловарзод).-  Семинари дурӯзаи  кормандони ҳифзи иҷтимоӣ  бо мудирони шӯъбаҳои хизматрасонӣ имрӯз корашро идома мебахшад. Ёдовар мешавем, ки семинар дирӯз дар толори Пажӯҳишгоҳи Вазорати меҳнат ва ҳифзи иҷтимоии аҳолӣ дар якҷоягӣ  бо Муассисаи давлатии курсҳои такмили ихтисос  бо дастгирии  хазинаи кӯдакони СММ баргузор гардид. Дар семинар усули нави хизматрасонии иҷтимоӣ — нигоҳубини беморон ва маъюбони гурӯҳҳои якум  ва дуюми ноҳияҳои пилотӣ дар хона пешниход гардид. Дар кори семинар мудирони шӯъбаҳои ҳифзи иҷтимоии ҳамаи шаҳру ноҳияҳои ҷумҳурӣ ширкат варзида, таҷрибаи ноҳияҳои пилотиро мавриди омӯзиш қарор доданд. Айни замон хизматрасонии иҷтимоӣ дар хона барои  маъюбон дар ноҳияҳои Кӯлоб, Панҷ, Қубодиён, Исфара, Б.Ғафуров, Шуғнон ва ноҳияи Рашт ҳамчун ноҳияҳои пилотӣ ба роҳ монда шудааст.