ШИРКАТҲОИ АФҒОНИСТОН ТАЛАБИ ҲАМКОРӢ ДОРАНД
Душанбе, 12 июл. (АМИТ «Ховар», Лаззат Диловарзод).- Ширкатҳои афғонӣ дар бораи ба роҳ мондани ҳамкориҳои васеи иқтисодию савдо дар Ҷумҳурии Тоҷикистон таваҷҷӯҳ зоҳир менамоянд. Дар ин бора аз дафтари матбуоти Палатаи савдо ва саноати ҶТ ба мухбири АМИТ «Ховар» иттилоъ доданд. Бино ба иттилои ҳамин манбаъ, ширкати «Азизи групп» яке аз ширкатҳои таҳвилкунандаи газу нафт дар Давлати Исломии Афғонистон мебошад. Ширкат ду бонк: «Азизӣ» ва «Бохтар»- ро дар ихтиёр дорад. Ҷонишини раиси ширкати «Азизӣ» ҷаноби Тоҳирӣ ҳангоми вохӯрӣ бо раиси Палатаи саноат ва савдои Тоҷикистон Шариф Саид иброз доштааст, ки ширкаташон имконияти кушодани филиали бонки «Азизӣ»- ро вобаста ба сармоягузорӣ дар соҳаҳои гуногуни иқтисодиёти ҶТ дорад. Онҳо пеш аз ҳама мехоҳанд бораи лоиҳаҳои сохтмони нерӯгоҳҳои хурду миёна, манзили истиқоматӣ, истеҳсол ва коркарди сангҳои қиматбаҳо, сохтмони меҳмонхонаҳо, роҳҳои мошингард, кӯпруку нақбҳо ва рушди туризм ва сайёҳӣ дар Тоҷикистон маблағгузорӣ намоянд. Ин масъала миёни вазоратҳои марбута мавриди омӯзиш қарор дода шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






