ТАҶДИДИ РОҲИ АВТОМОБИЛГАРДИ ДУШАНБЕ-ДАНҒАРА
Душанбе, 27 июл. (АМИТ «Ховар», Лутфия Эшонқулова).-Корҳои сохтмонӣ дар марҳилаи якуми лоиҳаи таҷдиди роҳи автомобилгарди Душанбе-Қулма, қитъаи Душанбе-Данғара, ки моҳи сентябри соли 2009 оғоз гардидаст, идома ёфта, ҳоло дар як қисмати қитъаҳои роҳ корҳои омодагӣ, кандани қабати болопӯши замин ва таҳкурсии роҳ, корҳо барои сохтмони таҳкурсии хокрезаи роҳ, корҳои васеъ намудани хокрезии роҳ, корҳои ташкилӣ барои сохтмони роҳҳои муваққатӣ аз ҷониби пудратчӣ бомуваффақият иҷро шуда истодаанд. Дар ин бора зимни нишасти матбуотӣ директори Маркази татбиқи лоиҳаҳои таҷдиди роҳҳо Низом Ҳакимов ба рӯзноманигорон хабар дод. Ӯ афзуд, ки мӯҳлати татбиқи ин лоиҳа 24 моҳ муайян карда шудааст. Ҳаҷми корҳои сохтмониву барқароркунӣ дар ин лоиҳа то 1 июли соли 2010 ба маблағи 12,492 млн. доллари ИМА иҷро карда шудааст. Дар ҳамаи қитъаҳои роҳ барои иҷрои корҳои таҷдидӣ аз ҷониби пудратчии асосӣ зиёда аз 312 механизму таҷҳизоти гуногуни роҳсозӣ сафарбар шудаанд, инчунин 691 нафар мутахассисон ва коргарон ба кор ҷалб шудаанд, ки аз онҳо 197 нафарашон шаҳрвандони Ҷумҳурии Тоҷикистон мебошанд. Маблағи умумии марҳилаи якуми ин лоиҳа 51 млн. 578 ҳазор доллари ИМА-ро ташкил медиҳад, ки аз он 49 млн. доллар қарзи Бонки содироту воридоти Ҷумҳурии Халқии Хитой, 2.57 миллион доллари ИМА саҳми Ҳукумати Ҷумҳурии Тоҷикистон мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






