ТАЪТИЛИ ТОБИСТОНАИ МАКТАББАЧАҲО ЧӢ ГУНА МЕГУЗАРАД?
Душанбе, 7 июл.(АМИТ «Ховар», Марзия Саидова).-Имрӯз дар лагерҳои истироҳатӣ ва наздимактабии пойтахт басти дуюми истироҳати тобистонаи мактаббачагон оғоз ёфт. Сардори Раёсати маорифи шаҳри Душанбе Шамсулло Исломов иттилоъ дод, ки дар басти якуми таътили тобистона беш аз 1000 нафар мактаббачагони пойтахт дар лагерҳои истироҳатии Зимчуруд, Шарора, Орзу ва Гулхан, ки дар дараи зебоманзари Варзоб воқеанд, ба истироҳат фаро гирифта шуданд. Ин лагерҳо дар тавозуни чор ноҳияи пойтахт қарор доранд. Дар 38 лагери наздимактабии пойтахт бошад 1500 нафар толибилмон истироҳат карданд. Ш. Исломов афзуд, дар лагерҳои истироҳатӣ тамоми шароити мусоиди истироҳатию фароғатӣ ва варзишӣ фароҳам оварда шуда, мактаббачагон чор вақт бо хӯроки гарм таъмин карда мешаванд. Бо мақсади хушу хотирмон гузаштани таътили тобистонаи бачаҳо Раёсати маорифи шаҳри Душанбе тадбирҳои мушаххас андешидааст. Дар назар аст, ки дар басти саввум бачаҳои болаёқати гимназияю литсейҳои шаҳр ба истироҳат фаро гирифта мешаванд. Инчунин, мактаббачагони пойтахт дар дигар лагеру истироҳатгоҳҳои тобистонаи воқеъ дар дараҳои хушманзараи Варзоб, Ромит ва Алмосӣ таътили тобистонаи худро хушу гуворо мегузаронанд.
Аҳамияти ҳуқуқии таъсиси Ҷоизаи байналмилалии Президенти Тоҷикистон дар соҳаи об. Назари коршинос дар ин хусус
Имрӯз дар шаҳри Душанбе ҳаво то 39 дараҷа гарм мешавад
Дар Душанбе масъалаи бунёди неругоҳҳои офтобӣ дар Тоҷикистон баррасӣ гардид
Ҳайати «Шаҳри ҳушманд» бо таҷрибаи Қирғизистон дар самти рақамикунонии соҳаи тандурустӣ шинос шуданд
Имрӯз дар шаҳри Душанбе ҳаво рӯзона то 35 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 35 дараҷа гарм мешавад
Шароит ва имконияти таҳсил дар Коллеҷи омори шаҳри Ваҳдат беҳтар карда мешавад
ИҚТИСОДИ «САБЗ». Тоҷикистон барои амалисозии он заминаи муносиб фароҳам овард
Дар вилояти Суғд ҳаҷми истеҳсоли тухм афзоиш меёбад
Имрӯз дар шаҳри Душанбе ҳаво то 34 дараҷа гарм мешавад
