ЗАХИРАИ ХӮРОКИ ЧОРВО НОКИФОЯ АСТ

Душанбе, 21 июл. (АМИТ «Ховар», Лаззат Диловарзод).- Бино ба маълумоти фаврии Раёсати чорводории Вазорати кишоварзӣ, нақшаи ҷамъоварии хӯрокаи дурушти чорво дар ҷумҳурӣ 676,4 ҳазор тонна пешбинӣ шудааст. То 13 – уми июли соли ҷорӣ дар тамоми сохторҳои кишоварзии ҷумҳурӣ 208,1 ҳазор тонна хӯрокаи дурушти зимистонаи чорво захира карда шудааст, ки он    31 фоизи нақшаи умумии захираи    хӯрокаи чорворо ташкил медиҳад. Иҷрои нақшаи умумии захираи хӯрокаи ширадори чорво низ ғайриканоатбахш аст. Аз 198 ҳазор тонна хӯрокаи ширадори дар нақша пешбинишуда ҳамагӣ 2 ҳазору 200 тонна    хӯрока    захира   шудааст, ки он 1,1 фоизи нақшаи пешбинишударо ташкил медиҳад. Тибқи маълумоти ҳамин манбаъ, нақшаи ҷамъоварии хӯрокаи дурушти чорво дар вилоятҳои Хатлон 39 фоиз,   Суғд – 28   ва дар ноҳияҳои тобеи ҷумҳурӣ 23 фоиз иҷро гардидааст, ки нокифоя ва ғайриқаноатбахш аст. Имрӯзҳо роҳбарони хоҷагиҳо кори муташаккилонаи ҷамъоварию захираи хӯрокаи зимистонаи чорворо дар саросари ҷумҳурӣ ба роҳ мондаанд.