562 ОИЛА БА ҶОИ ЗИСТИ НАВ МЕКӮЧАНД

Нуробод, 19 август.( АМИТ «Ховар» М. Ризвонов ).- Мувофиқи қарори Ҳукумати Ҷумҳурии Тоҷикистон  бинобар оғози корҳои   сохтмонии НБО- и   «Роғун»  дар навбати аввал кӯчонидани аҳолӣ  аз деҳаҳои Алигалабон, Чорсада, Оби борики поён, Чинор ва маркази ҷамоати  Комсомолобод идома дорад. То имрӯз  аз  ҳисоби мардуми  ин маҳал  187 оила ба  ноҳияи  Данғара, 153 оила ба ноҳияи  Рӯдакӣ, 185 оила ба ноҳияи  Турсунзода  кӯчонида шудаанд. Ҷамъи муҳоҷирони  экологӣ 562 оиларо ташкил медиҳад. Дар назар аст, ки  шумораи аҳолии мекӯчида то охири  соли 2010 1267  оиларо ташкил медиҳад,-гуфт ба  хабарнигори мо  сардори раёсати   Агентии  давлатии  ҳифзи  иҷтимои, шуғли  аҳолӣ  ва муҳоҷирати  ноҳияи Нуробод  Ғайбулло Розиев.