ДУ РОҲБАЛАДИ ҚАТОРАИ ДУШАНБЕ-МОСКВА ДАСТГИР ШУДАНД
Душанбе, 5 август. (АМИТ «Ховар», Бекназари Абӯбакр). — 5 августи соли ҷорӣ кормандони гумруки истгоҳи Роҳи оҳани Душанбе ҳангоми азназаргузаронии қатораи №319-и самти Душанбе- Москва аз пинҳонгоҳи зери шифти оташдони ҳуҷра-вагони №8 як адад бастаи селофании хокаи сафеди ба героин монандро дарёфт ва мусодира намуданд. Ташхиси лабораторӣ муайян намуд, ки маводи дарёфтшуда навъи героин буда, вазни умумии он 980,5 граммро ташкил медиҳад. Аз тарафи кормандони гумрук оид ба ин далел ду нафар роҳбаладони қатора ҳамчун гумонбар боздошт гардиданд. Ба хотири халалдор накардани рафти тафтиш муваққатан ному насаби онҳо номбар карда намешавад. Аз маркази матбуоти Хадамоти гумруки ҷумҳурӣ ба АМИТ «Ховар» иттилоъ доданд, ки аз рӯи ин ҳодиса парвандаи ҷиноӣ оғоз гардида, тафтиш идома дорад.
Камтар гап мезанем, бештар менависем: чӣ гуна завқи муштариён тағйир меёбад
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
Имрӯз дар якчанд вазорату идора нишасти матбуотӣ баргузор мешавад
«КИШВАРИ САБЗ». Соли 2026 дар Тоҷикистон беш аз 3,7 миллион ниҳоли дарахтони ҳамешасабз ва сояафкану ороишӣ шинонида шуд
Имрӯз дар шаҳри Душанбе ҳаво то 38 дараҷа гарм мешавад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
