ЭЪТИБОР БА ТАРБИЯИ ТИФЛАКОНИ ДЕҲОТ

Шуғнон , 27 август.(АМИТ «Ховар», Л Додо).-Ба хотири сайқали  шуур ва тарбияи  ақлонии кӯдакон бо имдоди  созмонҳои  хайриявии   ҷаҳонӣ  дар қарияи Боғефи  ноҳияи Шуғнон 6 моҳ  қабл Маркази    рушди кӯдакон  таъсис дода шуд.Дар Марказ  20 нафар кӯдакони  то панҷсолаи  сокинони деҳа  тарбия мегиранд. Тарзи тарбияи онҳо  гуногун буда, аз боғчаи  бачагон фарқ дорад. Мураббиён, ки  тариқи озмун  ба кор омадаанд, ҳар рӯз бо  шогирдонашон  бозиҳову чорабиниҳои  гуногуни тарбиявӣ  мегузаронанд. Бо кӯмаки мураббиён  онҳо шеърҳои гуногун   азёд намуда, забони давлатиро  амиқ меомӯзанд. Ба ақидаи коршиносон  шуурнокии ин тифлакон  нисбат ба  ҳамсолонашон  хеле баланд аст.