ГЕРОИН ДАР ДОНАКИ ЗАРДОЛУ
Душанбе, 18 август. (АМИТ «Ховар», Зебо Иноятова).- Аз шӯъбаи иттилоотии Хадамоти гумруки назди Ҳукумати Ҷумҳурии Тоҷикистон хабар доданд, ки кормандони гумруки фурӯдгоҳи пойтахт боз як ҳодисаи интиқоли ғайриқонунии маводи нашъаоварро ошкор ва дастгир намуданд. 17 августи соли ҷорӣ кормандони гумруки фурӯдгоҳи шаҳри Душанбе ҳангоми барасмиятдарорӣ ва назорати гумрукии мусофирони хатсайри 627 самти Душанбе-Москва шаҳрванди Ҷумҳурии Тоҷикистон Меҳрангез Хоҷаеваро дастгир карданд. Ҳангоми кофтукови шахсӣ аз борхалтааш дар бастаи селофанӣ донакҳои меваи зардолуро, ки дар асл ин донакҳо аз маводи ба героин монанд тайёр шуда буданд, дарёфт ва мусодира намуданд. Мутобиқи хулосаи коршиносон маводи нашъаовари дарёфткардашуда навъи героин буда, вазни холиси он 1 килограмму 735 граммро ташкил дод. Нисбат ба ин ҳодиса парвандаи ҷиноӣ кушода шуда, тафтиш давом дорад.
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
