ГУСТАРИШИ МУНОСИБОТИ ТИҶОРАТИИ ТОҶИКИСТОНУ ЧИН

Август 19, 2010 12:33

Душанбе, 19 август. (АМИТ «Ховар», Бекназари Абӯбакр). — Вазъи кунунӣ ва дурнамои муносибатҳои дуҷонибаи Ҷумҳурии Тоҷикистон ва Ҷумҳурии Мардумии Чин дар соҳаҳои иқтисод ва тиҷорат, рушди тиҷорати аграрӣ, дастгирии барномаҳои рушди минтақаҳои озоди иқтисодӣ 18 август, зимни мулоқоти вазири рушди иқтисод ва савдои Тоҷикистон Фаррух Ҳамралиев бо Сафири нави фавқулодда ва мухтори ҶМЧ дар ҶТ Фан Сянжун мавриди баррасӣ қарор гирифт. Ф. Ҳамралиев изҳор дошт, ки барои тамоми сол истифода бурдани роҳи автомобилгарди Қулма-Қаросу чораҳои зарурӣ андешида шаванд. Зеро ин роҳ барои густариши муносибатҳои тиҷоратӣ мусоидат мекунад. Дар баробари ин, барои ҷалби сармоягузорони мустақими чинӣ дар татбиқи лоиҳаҳои соҳаҳои мухталиф шароити мусоид фароҳам оварда шудаанд, ки аз ин метавонанд соҳибкорони чинӣ бевосита ва самаранок истифода кунанд. Фан Сянжун дар навбати худ тазаккур дод, ки Ҷумҳурии Тоҷикистон миёни собиқ кишварҳои Шӯравӣ дар масъалаи азхудкунии маблағҳои қарзи имтиёзноки ҷониби Чин пешсаф аст. Аз ин рӯ, Ҳукумати Ҷумҳурии Мардумии Чин дар рушди минбаъдаи ҳамкориҳо бо кишвари ҳамҷавори Тоҷикистон манфиатдор мебошад. Мавриди ёдоварист, ки тайи солҳои 2004- 2010 гардиши мол миёни Тоҷикистон ва Чин босуръат густариш ёфта, 1,5 млрд. доллари ИМА-ро ташкил дод.

Август 19, 2010 12:33

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд