КӮМАКИ РАИСИ ШАҲР БА СУЛТОНЗОДА

Душанбе, 4 август.(АМИТ «Ховар», Марзия Саидова).-Таманно Султонзода хонандаи синфи 11-и мактаби таҳсилоти умумии №34 –и ноҳияи Исмоили Сомонии пойтахт дар олимпиадаи ҷаҳонӣ аз фанни биология , ки дар шаҳри Чангвони Ҷумҳурии Корея баргузор мегардад, иштирок менамояд. Дар ин хусус котиби матбуотии Раиси шаҳри Душанбе Шавкат Саидов ба АМИТ «Ховар» иттилоъ дод.       Бо мақсади таъмин намудани иштироки Таманно Султонзода дар олимпиадаи ҷаҳонӣ,  Раиси шаҳри Душанбе Маҳмадсаид Убайдуллоев қарор ба имзо расонд. Тибқи ин қарор Сарраёсати молияи шаҳри Душанбе аз ҳисоби фонди захиравии Раиси шаҳр барои пардохти роҳкирои Султонзода  ба олимпиадаи ҷаҳонӣ беш аз 11 ҳазор сомонӣ ҷудо менамояд.