КАМБУДИҲО ДАР СОҲАИ МАОРИФ

Шуғнон, 31 август.(АМИТ « Ховар», Л. Додо). — Ҳамасола дар арафаи соли нави таҳсил машварати августии омӯзгорон баргузор мегардад, ки дар он бурду бохти яксолаи мактабњо ҷамъбаст гардида, вазифаҳо барои соли нави таҳсил муайян карда мешаванд. Чунин машварат бо иштироки омўзгорони мактабњои ноҳияи Шуғнон доир гардид, ки дар кори он раиси ноҳия Шодихон Ҷамшедов ва сардори маорифи вилоят Ғарибшоҳ Ғарибшоев иштирок намуданд.        Мудири шӯъбаи маорифи ноҳия Ниёзмамад Мамадаёзов иттилоъ дод, ки баробари комёбиҳо дар фаъолияти мактабу соњаи маорифи ноҳия камбудиҳо низ зиёданд, аз қабили нарасидани кадрҳои педагогӣ, фаъолияти сусти кабинетҳои методӣ, ташкил кардани маҳфилҳои иловагӣ дар мактаб ва ғайра.        Нарасидани кадрҳои педагогӣ ва дуруст ҷо ба ҷо намудани онҳо имрӯз проблемаи асосии соҳаи маориф мебошад, — гуфт раиси ноҳия Шодихон Ҷамшедов .