КОРИ НАҶИБИ АЛИЗОДА

Турсунзода, 13 август.  ( АМИТ «Ховар», Ҳотам Рабиев).- Даъвати сарвари  давлат дар бораи  хайру сахо  кардан ба мардуми  камбизоат ва  дастгирии ятимону барҷомондагон дар замири мардони олиҳиммат ҳисси инсондӯстию ватандӯстиро  боз ҳам боло бардошт. Корманди ҳафтавори «Алюминийи Тоҷикистон»  ва идораи  радиошунавонии КВД « Ширкати  алюминийи  тоҷик» Ҳоҷӣ Мулломаҳмад Ализода  ба наздикӣ ташаббуси  наҷиб нишон дод. Ӯ тӯйи суннатии   фарзандонаш  Муҳаммадиқбол ва Муҳаммадзоирро дар хонаи кӯдакони  рақами 1-и  шаҳри Турсунзода  ҳамроҳ бо  кӯдакони  ин муассиса  баргузор намуд.  Дар гирди дастурхони  тӯёна  тарбиятгирандагони хонаи кӯдакон  иштирок намуда, аз сурудҳои ватандӯстона  лаззат бурданд.  Лозим ба тазаккур  аст, ки  дар хона- интернати мазкур 120 нафар кӯдакон  тарбия мегиранд.