МАРГИ ЯК ЗАН БАР АСАРИ СЕЛ
Душанбе, 26 август. (АМИТ «Ховар», Лутфия Эшонқулова). – Шаби 23 ба 24-уми август бар асари боридани борони зиёду жолаҳои пуршиддат ва омадани сел ба хоҷагии халқи минтақаҳои Рашту Айнӣ хисороти зиёди моливу ҷонӣ ворид гардид. Худи ҳамон рӯз дар ноҳияи Айнии вилояти Суғд бар асари боронҳои пай дар пай ва омадани сел як нафар зани солхӯрда, соли таваллудаш 1930 ба ҳалокат расид. Офати табиӣ дар минтақаи Айнӣ 5 хонаи истиқоматиро ба пуррагӣ, 25 хоҷагии ёрирасонро қисман, 3 км роҳи мошингард ва 4 кӯпрук, дар навоҳии Рашт бошад, роҳҳои автомобилгард, 1 кӯпрук ва 1 хонаи истиқоматиро хароб кард. Тавре аз Кумитаи ҳолатҳои фавқулодда ва мудофиаи шаҳрвандии ҶТ ба хабарнигори АМИТ «Ховар» хабар доданд, айни ҳол дар ҷойи ҳодиса комиссия оид ба бартарафсозии оқибатҳои офати табиӣ кор бурда истодааст.
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
