МУСИҚИИ ДАЛЕР НАЗАР МАСКАВРО ТАСХИР НАМУД
Маскав, 13 август. (АМИТ «Ховар», Ҳалима Хушқадамова) – 26 август дар Кохи консертии «Мир»-и шаҳри Маскав консерти даври охирини сабқати мусиқии оҳангсоз ва сарояндаи машҳури тоҷик Далер Назаров баргузор мегардад. Ҳамзамон Д. Назаров рӯзҳои 10 ва 11 дар фестивали фолклории «Ҳалқаи Саяно-2010» дар Шушенск баромад намуд. Далер Назаров дар ин муддат интихоби васеи иштирок дар ҳама намудҳои санъатро дошт, вале ӯ танҳо мусиқии фолклориро интихоб намуд. «Мо метавонем ба мардуми ин шаҳр дар бораи Ватан ва халқи худ нақл кунем. Забони мо чун забони шоирон машхур аст, аз ин рӯ одамон онро аз рӯи талаффуз хеле хуб қабул менамоянд. Мусиқии кишвари ман хеле гуногунҷабҳа ва пурмазмун аст. Кӯҳҳо одамонро аз ҳамдигар ҷудо мекунанд, аз ин рӯ ҳар деҳа мусиқии махсуси худро дорад ва ин мусиқӣ беҳтарин оҳангҳои ҳар як деҳаро дар худ таҷассум намудааст»- изҳор намуд сарояндаи машҳур дар мусохиба ба хабарнигори Агентии иттилоотии «Сибир». Суруду оҳангҳои Д. Назаров дар шаҳрҳои Екатеринбург, Нижный Новгород ва Санкт-Петербург садо доданд. Мухлисони сершумори сароянда тавассути сурудҳои ӯ бо эҷодиёти шоирони форсу тоҷик Абӯабдулло Рӯдакӣ, Ҳофизи Шерозӣ, Ҷалолиддини Румӣ, Бадриддин Ҳилолӣ ва бо асбобҳои миллӣ ва мардумӣ ошно гардиданд. Дар оҳангҳои Д. Назаров садои рубоб, таблак, сетор, табли ҳиндӣ бо асбобҳои муосир-гитара, барабан, саксафон ҳамҷӯр гаштанд. Тарҷумаи М. Анварӣ








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






