МУСИҚИИ ТОҶИК МАШҲУРИ ҶАҲОН

Душанбе, 26 август. (АМИТ «Ховар», Дилшодаи Ҷонмард) — 18 августи соли ҷорӣ дар шаҳри Лондони Бритониёи Кабир яке аз оркестрҳои маъруфи ҷаҳонӣ — оркестри симфонии Шоҳигарии Англия таҳти роҳбарии дирижёри боистеъдод Валерий Гергиев, якчанд асарҳои оҳангсози барҷастаи тоҷик — композитори машҳур ва боистеъдоди тоҷик, Ҳунарпешаи халқии Тоҷикистон, лауреати мукофоти давлатии ба номи Рӯдакӣ Толиб Шаҳидиро сабт намуд. Аз ҷумла, дар натиҷаи ин ҳамкорӣ асарҳои офаридаи Толиб Шаҳидӣ — «Садо», порчаҳо аз балети «Марги судхӯр», «Сиёвуш» ва «Рубоиёти Хайём» сабт гардиданд. Аз ин рӯ, Вазорати фарҳанги Ҷумҳурии Тоҷикистон бо ифтихор изҳор менамояд, ки ин воқеаи фарҳангӣ дар таърихи мусиқии тоҷик маротибаи аввал мебошад, ки композитори тоҷик тавонистааст мусиқии тоҷикро дар ҳамкорӣ бо чунин як дирижёри машҳури ҷаҳон муаррифӣ намояд. Ҳамчунин, Вазири фарҳанги Ҷумҳурии Тоҷикистон Мирзошоҳрух Асрорӣ ин дастоварди Толибхон Шаҳидиро воқеаи муҳими фарҳангӣ шуморида, онро тӯҳфаи арзандае ба ҷашни 19-умин солгарди Истиқлолияти кишвар унвон кард.