ОМОДАГӢ БА ҚАБУЛИ ПАХТА — 2011

Кӯлоб, 30 август. (АМИТ «Ховар», Сулаймон Холов). — Ҷамъияти  дорои  масъулияти  маҳдуди  «Замин-Котон»-и  ноҳияи   Мир  Сайид  Алии Ҳамадонӣ  ба  қабули  пахтаи  соли 2011  омодагӣ  мебинад, —  гуфт    сармуҳандиси  корхонаи  мазкур  Нурмад  Муродов   ва  афзуд, ки  айни  ҳол    дар  корхона  корҳои  таъмирӣ  идома  дошта,    то  ин  дам барои  таъмири   корхона    130  000  сомонӣ маблағ масраф  гардидааст.  Ба  гуфтаи  ин  манбаъ  таҷҳизоти  муосире, ки  барои  коркарди  пахта  заруранд,  таъмир шуда, ба пахтақабулкунӣ омода мебошанд. Мавриди  зикр  аст, ки   дар  корхона  50  нафар коргар  фаъолият  дошта,  дар  ҳолати  оғоз  гардидани  коркарди  пахта   масъулин  метавонанд  боз  150  нафарро  бо  кор  таъмин  намоянд.  Лозим  ба  ёдоварист,  ки  иқтидори  корхона  дар  як  сол  қабули 25000 тонна пахтаро ташкил медиҳад. Соли  гузашта  дар корхона 2300 тонна  пахта  коркард  гардида,  ба  хоҷагиҳои  деҳқонӣ  мувофиқи  шартнома  супорида шуд.