РАФТИ КИШТИ ТАКРОРӢ МӮЪТАДИЛ АСТ

Душанбе, 24 август. (АМИТ «Ховар», Зебо Иноятова). — Бино ба иттилои Раёсати растанипарварии вазорати кишоварзӣ дар ҷумҳурӣ нақшаи кишти такрории зироатҳои кишоварзӣ 175 ҳазор гектар буда, айни ҳол дар майдони 174383 (99,6 %) гектар замин кишти такрорӣ гузаронида шудааст. Ғалладонагиҳо ҳамагӣ дар майдони 66412 гектар, аз  ҷумла дар майдони 30167 гектар ҷуворимакка барои дон, 10793 гектар шолӣ ва 25452 гектар дигар ғаллагиҳо, 1695 гектар картошка, 17983 гектар сабзавот, 4700 гектар полезӣ, 3297 гектар зироатҳои техникӣ ва 80296 гектар зироати хӯроки чорво кишт  шудааст. Дар вилояти Хатлон нақшаи кишти такрорӣ 98 ҳазор гектар буда, то имрӯз дар майдони 97194 (99,2 %) гектар кишти такрорӣ гузаронида шудааст, ки ин нишондод нисбат ба ҳамин давраи соли гузашта 5637 гектар зиёд аст. Ғалладонагиҳо ҳамагӣ дар майдони 47053 гектар, аз ҷумла дар майдони 24406 гектар ҷуворимакка барои дон, 7002 гектар шолӣ ва 15645  гектар дигар ғаллагиҳо, 538 гектар картошка, 8512 гектар сабзавот, 3712 гектар полезӣ, 1203 гектар зироатҳои техникӣ ва 36176 гектар зироати хӯроки чорво кишт  шудааст. Дар ноҳияҳои тобеи ҷумҳурӣ бошад, нақшаи кишти такрорӣ  25700 гектар буда, айни замон дар майдони 25837 гектар кишти такрорӣ гузаронида шудааст. Ғалладонагиҳо ҳамагӣ дар майдони 12240 гектар, аз  ҷумла 5142 гектар ҷуворимакка барои дон, 3333 гектар шолӣ ва 3765 гектари дигар ғаллагиҳо, 540 гектар картошка, 4157 гектар сабзавот, 302  гектар полезӣ, 1525 гектар зироатҳои техникӣ ва 7073 гектар зироати хӯроки чорво кишт карда шудааст.