ТӮҲФА БА ҶАШНИ ИСТИҚЛОЛ

Файзобод, 25 август.(АМИТ «Ховар», Зебо Давлатова).- Имрӯзҳо кормандони шӯъбаи маорифи  ноҳияи Файзобод   ба соли  нави таҳсил  тайёрии ҳамаҷониба  дида истодаанд. Аз гуфтаи сардори  раёсати сохтмони  ноҳия Абдусаттор Болтуев ба хабарнигори  АМИТ «Ховар» маълум гардид, ки  то имрӯз тамоми  мактабҳои ҳудуди  ноҳия бо маблағҳои  буҷавӣ, ки  735851 ҳазор сомониро  ташкил медиҳад, пурра  аз таъмири  ҷорӣ бароварда шуд. Абдусаттор  Болтуев  афзуд, ки  бахшида ба ҷашни  19-мин солгарди  Истиқлолияти кишвар  ду бинои мактаби  нави замонавӣ  ба маблағи 600 ҳазор сомонӣ сохта  ба истифода дода мешавад. Ҳар ду мактаб дорои 4 синфхона , утоқи  кории омӯзгорон,  китобхонаҳои фаннӣ  бо тамоми таҷҳизоти  замонавӣ буда, дар арафаи ҷашни  Истиқлолият  пурра ба истифода дода мешаванд.