ТАЪХИРИ ПАРВОЗҲО ТО БЕҲБУДИ ВАЗЪИ ҲАВО

Душанбе, 10 август. (АМИТ «Ховар», Назокат Қодирова).- Дар робита бо дуди ғализи дар фазои шаҳри Маскав ба миёномада фурӯдгоҳи «Домодево» муваққатан баста шудааст. Аз ин сабаб, хатсайрҳои КВД «Тоҷик Эйр»дар  самти Душанбе-Домодево-Душанбе то беҳбуди вазъи ҳаво ба таъхир мононда шуданд, иттилоъ дод ба мухбири АМИТ «Ховар» котиби матбуотии КВД «Тоҷик -Эйр» Лола Кенҷаева. Ӯ афзуд, ки КВД «Тоҷик Эйр» барои нороҳатии бамиёномада аз мусофирон маъзарат хоста, иттилоъ медиҳад, ки чиптаҳои харидашуда боэътибор буда, оид ба  замони парвоз маълумоти иловагӣ пешниҳод мегардад.