ТАЙЁРӢ БА СОЛИ НАВ ХОНИШ

Ҳисор, 5  август  ( АМИТ «Ховар», Ҳотам Рабиев). Мақомоти иҷроия  ва шӯъбаи    маорифи ноҳияи  Ҳисор ба  соли нави  таҳсил омодагии   ҳамаҷониба мебинанд. Аз ҷумла, корҳои азнавсозии мактаби  таҳсилоти миёнаи  рақами  22 дар деҳаи   Дурбат анҷом   дода шуд.   Аз ҷониби Корхонаи   воҳиди давлатии  сохтмонҳои асосӣ  болопӯш намудани  боми бинои  мактаби № 63 ва азнавсозии  мактаби № 141  дар шаҳраки   Шарора ба нақша гирифта  шуда, таъмири ин   мактабҳо моҳи  майи соли ҷорӣ  оғоз гардиданд.  Мувофиқи   нақша  аз ҳисоби  маблағҳои  маҳаллӣ дар ҳаҷми  500 ҳазор  сомонӣ сохтмони мактабҳои  рақами  68  ва 46   пешбинӣ шудааст. Ҳамчунин, аз ҳисоби  маблағҳои марҳилаи  3-юми  гранти  Фонди   каталикӣ  сохтмони  12  синфхонаи  иловагӣ дар  наздикии   мактаби рақами  19-и  деҳаи Қафшдӯзон, сохтмони 12 синфхонаи  иловагӣ дар назди  мактаби рақами   56-и  деҳаи Шӯроби  Искандар  ва таъмири бинои   асосии мактаби   рақами  29-и  деҳаи  Дучинора  ба нақша гирифта шудааст.