ТАЪМИРИ БОСИФАТИ МАКТАБҲО

Ҷиргатол, 12 август. ( АМИТ «Ховар», М.Ризвонов).-Дар таълимгоҳҳои  ноҳияи Ҷиргатол   ба соли нави хониш  омодагии ҳаматарафа  мебинанд. Айни ҳол дар  55  мактаби   ноҳия таъмири  ҷорӣ босуръат  идома дорад. Барои иҷрои корҳои  сохтмонӣ аз ҳисоби  буҷети маҳаллӣ 207 ҳазору 214 сомонӣ, аз ҳисоби Ассотсиатсияи  падару модарон  24   ҳазору 640 сомонӣ маблағ  ҷудо гардидааст,  гуфт  зимни сӯҳбат мудири  шӯъбаи маорифи  ноҳия  Л.Аброров. Баҳри анҷоми  таъмири  босифат  аз тарафи   омӯзгорони мактабҳо   бригадаҳои сохтмонӣ  ташкил ёфта,  онҳо ният доранд то 25-уми  август  таъмири  таълимгоҳҳоро  ба анҷом расонанд.