ТАЪМИРИ РОҲҲО ДАР МӮЪМИНОБОД

Мӯъминобод, 18 август. (АМИТ «Ховар», Сулаймон Холов). — Муассисаи  давлатии  роҳҳои  автомобилгарди  ноҳияи  Мӯъминобод  дар  давоми  7  моҳи  соли  ҷорӣ   таъмири   43 км  роҳи автомобилгарди  аҳамияти  маҳаллӣ  ва  ҷумҳуридоштаро ба итмом  расонид, ки  маблағи  он  13 794  сомониро  ташкил дод. Темур  Ҳаётов сардори  муассисаи  мазкур   зимни  сӯҳбат  иброз  дошт, ки бар асари  боронгариҳои  пай дар пай ва омадани сели моҳи  майи  соли  ҷорӣ як  кӯпруки деҳаи Тутуи   ҷамоати  деҳоти  Туту ба  пуррагӣ   хароб  гардид. Айни  ҳол  корҳои  барқароркунии он   аз  тарафи  муассиса   муташаккилона    ҷараён дошта, барои аз нав барқароркунии  кӯпрук        45310  сомонӣ маблағ  масраф  гардидааст. Темур  Ҳаётов  зикр  кард, ки  муассиса  барои  зимистонгузаронӣ  пурра  омода  буда,   401т  маводи  зидди  лағжиш ( намак  ва  қум), 210 т асфалт, 20 т  битон  захира  намудааст.