ҲАМЛАИ АВБОШОНИ САРТАРОШИДА БА МУҲОҶИРОН

Сентябрь 21, 2010 15:24

            Маскав, 21 сентябр. (АМИТ «Ховар», Ҳалима  Хушқадамова). — 19 сентябр Васоити ахбори оммаи Русия хабари дар шаҳри Домодедоваи назди шаҳри Маскав ба 5 нафар шаҳрванди Тоҷикистон ҳуҷум намудани гурӯҳи  ҷавонони дар рӯҳияи тундгароӣ тарбияёфтаро ба нашр расонид.             Пас аз задухӯрд ҳамаи панҷ нафар ба беморхона, аз ҷумла се нафарашон ба шӯъбаи бемориҳои вазнин интиқол дода шудаанд. Хабар дода мешавад, ки ба шаҳрвандони Тоҷикистон, ки барои мардикорӣ ба Русия омадаанд, баногоҳ аз кунҷе якбора гурӯҳи наврасони авбоши сартарошида ҳуҷум намуданд. Зимни ҳуҷум кордро ҳам истифода бурдаанд ва бар асари он ҳамаи панҷ нафар захми корд бардоштаанд.             Агентии «Интерфакс» хабар медиҳад, ки баъди бархӯрди бошиддат гурӯҳи  ҷавонони тундгаро аз ҷойи ҳодиса ғайб заданд. Ҷустуҷӯи онҳо то ҳол натиҷа надодааст. Новобаста аз симои зоҳирӣ аён аст, ки онҳо авбошони сартарошида мебошанд.             «Айни замон шаҳрвандони зарардидаи Тоҷикистон дар беморхонаи маҳаллӣ бистарианд. Вазъи саломатии се нафарро духтурон вазнин арзёбӣ менамоянд. Ду нафари дигараш дар шӯъбаи ҷароҳатбандӣ табобат гирифта истодааст», — хабар доданд аз мақомоти ҳифзи ҳуқуқ ба Агентӣ.       

Сентябрь 21, 2010 15:24

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд