ҲАММАСЛАКОНИ ҶИНОЯТКОРИ ҚИРҒИЗ КИҲОЯНД?

          Хуҷанд, 23 сентябр. (АМИТ «Ховар», Лутфия Эшонқулова),-Кормандони Агентии назорати маводи нашъаовари назди Президенти Ҷумҳурии Тоҷикистон зимни бурдани корҳои фаврӣ-ҷустуҷӯӣ дар шоҳроҳи Хуҷанд-Исфара-Боткент автомашинаи тамғаи «Аудӣ»-ро бо гумони доштани маводи мухаддир боздошт намуданд.             Ҳангоми кофтукови автомашина, ки  ба шаҳрванди 20 солаи Қирғизистон тааллуқ дорад, аз бордони он 11 қуттии коғазӣ дарёфт намуданд, ки дар дохили он 72 бастаи селофанӣ ҷойгир шуда буд. Санҷиши лабораторӣ 74 килову 190 грамм афюн будани моддаи дохили бастаҳоро муайян намуд. Аз рӯи ин ҳодиса парвандаи ҷиноятӣ боз шуда, тафтиш идома дорад.             Айни замон нақшаи чорабиниҳои ҷустуҷӯӣ-тафтишотӣ тарҳрезӣ шудаанд, то ки сарчашмаи воридшавӣ, ҷараёни минбаъдаи интиқоли ин миқдор маводи мухаддир ва ҳаммаслакони шахсони ба ин ҷиноят сару кор дошта ошкор шавад.