ҶОПОН – МАБЛАҒГУЗОРИ МАКТАБИ НАВ
Душанбе, 28 сентябр. (АМИТ «Ховар», Дилшодаи Ҷонмард).- Имрӯз дар ҷамоати “Роштқалъа”-и ноҳияи Роштқалъа маросими ифтитоҳи мактаби миёнаи №27 баргузор гардид. Дар ҷашни кушодашавии он сарпарасти Сафорати Ҷопон дар Ҷумҳурии Тоҷикистон Йошихиро Накаяма ва раиси ноҳияи Роштқалъа Амоншо Наврӯзшоев иштирок намуданд. Лоиҳаи барқарорсозии мактаби миёнаи № 27 дар ноҳияи Роштқалъа ба маблағи умумии 90,939 доллари ИМА, ки аз тарафи Ҳукумати Ҷопон, дар чаҳорчӯби кӯмакҳои бебозгашти лоиҳаҳои амнияти башарӣ барои қисми зиёди аҳолӣ маблағгузорӣ шуда буд, бомуваффақият ба итмом расид. Мавриди зикр аст, ки дар мактаби мазкур, 300 нафар талаба таҳсил намуда, 49 омӯзгор фаъолият доранд ва он соли 1954 (қисман соли 1970) сохта шудааст. Яке аз биноҳои мактаб, ки то ҳол таъмири капиталӣ нашудааст, дар ҳолати садамавӣ қарор дошт. Толибилмон маҷбур буданд дар бинои дигар хонанд, зеро ки ҷойи нишаст намерасид. Инчунин, аз сабаби шароити номусоиди мактаб бархе аз толибилмон хонишро қатъ намуда буданд. Баҳри таъмини шароити хуби омӯзиш дар мактаб, таъмири капиталии бинои фарсудашуда, азҷумла, таъмири бом, барқарорсозии деворҳо ва фарш амалӣ гашт. Дар назар аст, лоиҳаи мазкур муҳити омӯзиши кӯдакони синну соли мактабравро дар ноҳияи Роштқалъа беҳтар месозад. Кӯмакҳои бебозгашти лоиҳаҳои амнияти башарӣ барои бахши аъзами аҳолӣ ба ҳокимиятҳои маҳаллӣ, созмонҳои ғайридавлатӣ, соҳаҳои маориф ва тандурустии мамлакатҳои рӯ ба тараққӣ расонида мешавад. Ҳукумати Ҷопон аз соли 1996 инҷониб барои бахши аъзами аҳолӣ 255 лоиҳаи кӯмаки башариро ба маблағи умумии $18.1 миллион доллари ИМА дар Тоҷикистон амалӣ намудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






