62 АДАД ҒАЛТАКЧА ДАР ТАГИ ЛИБОС

Душанбе, 16 сентябр. (АМИТ «Ховар», Лутфия Эшонқулова).- 15 августи соли ҷорӣ кормандони гумруки фурӯдгоҳи раёсати минтақавии гумрукӣ дар шаҳри Душанбе ҳангоми ба расмиятдарорӣ ва назорати гумрукии мусофирони хатсайри рақами 627 самти Душанбе-Маскав шаҳрванди Ҷумҳурии Тоҷикистон Абдухолиқ Шафиеви 20 соларо дар интиқоли ғайриқонунии маводи нашъаовар тавассути сарҳади гумрукии Ҷумҳурии Тоҷикистон гумонбар дониста, аз парвоз боздоштанд. Кормандони гумрук ҳангоми муоинаи гумрукӣ аз таги либоси А. Шафиев 62 адад ғалтакчаҳои селофании дорои хокаи ба маводи героин монандро дарёфт ва мусодира намуданд. Маводи нашъаовари дарёфткардашуда навъи героин буда, вазнаш 311, 5 граммро ташкил дод. Аз рӯи ин ҳодиса парвандаи ҷиноятӣ кушода шуда, тафтиш идома дорад.