АРЗИШИ ИСТИҚЛОЛИЯТ

Душанбе, 6 сентябр. (АМИТ «Ховар», Дилшодаи Ҷонмард).- Имрӯз дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо иштироки роҳбарият ва кормандони Кумита, инчунин, меҳмонон Меҳмон Бахтӣ ва Қурбон Восеъ бахшида ба 19-умин солгарди Истиқлолияти давлатии Тоҷикистон маҷлиси тантанавӣ доир гардид. Сараввал маҷлис бо садо додани Суруди миллӣ оғоз шуда, пас аз он маърӯзаи Раиси Кумита Саидов Давлаталӣ Шомаҳмадович шунида шуд. Саидов дастовардҳои Кумитаро аз Истиқлолият то ба имрӯз ёдрас шуд.  Устодон Меҳмон Бахтӣ ва Қурбон Восеъ дар бораи арзишҳои Истиқлолият  ва муқаддас доштани ин дастоварди беназир сухан ронданд.