АЗ ҲАР ГЕКТАР 2 ТОННА ГАНДУМ

         Душанбе, 22 сентябр. (АМИТ «Ховар», Лаззат Диловарзод).- Бино ба маълумоти маркази матбуот ва иттилооти Вазорати кишоварзӣ, соли ҷорӣ дар вилояти Суғд дар майдони 111 ҳазору 402 гектар кишти ғалладона ва лӯбиёгиҳо гузаронида шудааст. То имрӯз майдони 89 ҳазору 87 гектар ё 80,1 фоизи майдони кишт даравида шуда, ҳосили он кӯфта гирифта шудааст.             Тибқи маълумоти ҳамин манбаъ, ҳосили ҷамъоваришуда аз ҳар гектар 17, 6 сентнериро ташкил додаст, ки ин пасттарин нишондод мебошад.             Дар ин вилоят соли ҷорӣ дар майдони 50 ҳазору 312 гектар гандум  кишт шуд. Айни замон ҳосили 48 ҳазор гектари он, ки 83 ҳазору 55 тоннаро ташкил намуд ба корхонаҳои ордбарорӣ супорида шудааст. Ва чунон ки дида мешавад, ҳосилнокӣ аз ҳар гектар камтар аз 2 тоннаро ташкил додаст,ки бо рӯёнидани    чунин ҳосил амалӣ шудани «Барномаи амнияти озуқаворӣ» багумон аст.