БАРГАРДОНИДАНИ МУЗДИ МАОШИ МУҲОҶИРИН

Сентябрь 27, 2010 15:59

Москва, 27 сентябр (АМИТ "Ховар", Ҳалима Хушқадамова). – «Вақтҳои охир арзу шикояти муҳоҷирони тоҷик ба Сафорати Ҷумҳурии Тоҷикистон ба Федератсияи Русия оид ба напардохтани музди маош ва поймол гаштани дигар ҳуқуқҳои ҳамватанони мо аз ҷониби корфармоёни бевиҷдон аз минтақаҳои гуногуни Русия зиёд гаштааст», — хабар доданд ба мухбири махсуси АМИТ «Ховар» аз Маркази матбуоти Сафорати ҶТ дар Русия. «Ҳамин тариқ, 20 сентябр аз номи 86 шаҳрванди Тоҷикистон ба шӯъбаи кор бо муҳоҷирони хадамоти консулии Сафорати ҶТ дар Федератсия Русия гурӯҳи коргарон нисбат ба роҳбарияти ҶК «Сургутстройтрест» шикоят намуда, гуфтанд, ки аз се то шаш моҳ боз маош нагирифтаанд. Кормандони шӯъбаи кор бо муҳоҷирони меҳнатӣ бо роҳбарияти корхонаи мазкур сӯҳбати телефонӣ намуданд. Дар сӯҳбат кордиҳандагон ваъда доданд, ки масъалаи пардохти қарзи музди маоши шаҳрвандони аз ҷиҳати моддӣ зарардидаи Ҷумҳурии Тоҷикистонро дида баромада, ҳал менамоянд»,-иттилоъ доданд аз сафорати ҶТ дар Федератсияи Русия. Зикр гардид, ки танҳо дар се моҳи охир бо мусоидати кормандони Сафорат қариб 1 млн. 557 ҳазор рубл музди маоши шаҳрвандони Тоҷикистон  баргардонида шудааст.       

Сентябрь 27, 2010 15:59

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд