БАРРАСИИ МУНОСИБОТИ ТИҶОРАТИИ ТОҶИКИСТОНУ ҲИНДУСТОН

Душанбе, 2 сентябр. (АМИТ «Ховар», Бекназари Абӯбакр). — 1 сентябри соли ҷорӣ дар шаҳри Душанбе мулоқоти вазири рушди иқтисод ва савдои Ҷумҳурии Тоҷикистон Фаррух Ҳамралиев бо сафири фавқулодда ва мухтори Ҷумҳурии Ҳиндустон дар Тоҷикистон Аситх Бхаттачарҷӣ баргузор гардид. Дар ҷараёни мулоқот вазъи кунунӣ ва дурнамои муносибатҳои дуҷонибаи Тоҷикистон ва Ҷумҳурии Ҳиндустон дар соҳаҳои иқтисод ва тиҷорат, рушди тиҷорати аграрӣ ва дастгирии бахши хусусӣ мавриди баррасӣ қарор гирифт. Зикр гардид, ки барои ҷалби сармоягузорони мустақими Ҳиндустон дар татбиқи лоиҳаҳои соҳаҳои мухталиф шароити мусоид фароҳам оварда шудааст. Аситх Бхаттачарҷӣ бо изҳори боварӣ иброз дошт, ки барои фаъол намудани заминаи ҳуқуқии ҳамкориҳои ду давлат ва рушду тавсеаи минбаъдаи он саъю кӯшиши зиёд ба харҷ медиҳад.