БЕҲТАРИН ОСОРХОНАИ СУҒД МУАЙЯН ШУД

Душанбе, 15 сентябр. (АМИТ «Ховар», Бекназари Абӯбакр). — Дар асоси дастуру супоришҳои раиси вилояти Суғд Қоҳир Расулзода мақомоти иҷроияи ҳокимияти давлатии ноҳияи Бобоҷон Ғафуров мактаби таҳсилоти миёнаи умумии рақами 4-и ҷамоати Қистақӯзи ноҳияи мазкур пурра аз таъмир бароварда шуда, осорхонаи Қаҳрамони Иттифоқи Советӣ Домулло Азизов бунёд гардид, ки мақоми беҳтарин осорхонаи вилоятиро соҳиб гардид. Ёдовар мешавем, ки раиси вилояти Суғд Қоҳир Расулзода 22-юми январи соли ҷорӣ ба мактаби мазкур ташриф оварда, зимни мулоқоти хеш бо омӯзгорону хонандагони ин дабистон аз вазъи таъмирталаб будани мактаб ва инчунин бунёди осорхона изҳори назар карда, худи ҳамон рӯз оид ба бартараф сохтани ин мушкилот ба мақомоти дахлдор супориш дода буд.