БЕНОМУ НИШОН ГУМШУДАГОН

Душанбе, 6 сентябр. (АМИТ «Ховар», Жасмин Назарова). – Тавре аз дафтари матбуоти Вазорати корҳои дохилии ҶТ иттилоъ доданд, рӯзи 5 сентябри соли равон ба шӯъбаи корҳои дохилии ноҳияи Нуробод аризаи шаҳрванд Қаландаров Давлаталӣ, соли таваллудаш 1985, истиқоматкунандаи деҳаи Алигалабони ноҳияи мазкур ворид гардид. Дар ариза омадааст, ки ҳамсари Д. Қаландаров Шукронаи Бағлон, соли таваллудаш 1991, истиқоматкунандаи ноҳияи мазкур аз хона баромада то ҳол бар нагаштааст. Инчунин рӯзи 5 сентябри соли равон ба шӯъбаи корҳои дохилии ноҳияи Б. Ғафурови вилояти Суғд аризаи шаҳрванд Бобохонова Умеда, соли таваллудаш 1973, истиқоматкунандаи ноҳияи Б. Ғафуров ворид гардид. Дар ариза омадааст, ки 4 сентябри соли ҷорӣ Бобохонов Фирдавс, соли таваллудаш 1991, писари У. Бобохонова аз хона баромада то ҳол бар нагаштааст.