БУНЁДИ «КОХИ МАТБУОТ» ДАР СУҒД
Душанбе, 27 сентябр. (АМИТ «Ховар», Бекназари Абӯбакр). — Ба ифтихори 20-солагии Истиқлолияти давлатии Ҷумҳурии Тоҷикистон дар вилояти Суғд 200 иншооти ҷашнӣ бунёд мегардад. Яке аз бузургтарин иншооте, ки дар соҳили рости Сирдарё қомат меафрозад «Кохи матбуот» аст. Арзиши лоиҳавии ин иншоот 19 миллиону 200 ҳазор сомонӣ буда, пудратчии асосӣ — Ҷамъияти масъулияташ маҳдуди «Еврострой» мебошад. Раиси вилояти Суғд Қоҳир Расулзода бо рафти бунёди «Кохи матбуот» шинос шуда, зимни ҷаласаи ситоди корӣ оид ба самаранок истифода бурдани масолеҳи бинокорӣ, бо таҷҳизоти зарурӣ таъмин кардани иншоот, тезтар оғоз кардани корҳои пардозкунӣ, ҳал кардани масъалаи таъминоти бино бо барқи доимӣ ва муҷаҳҳаз намудани он бо хатти обу ташноб дастурҳо дод. Дар ҷаласаи ситод зикр гардид, ки то имрӯз беш аз 7 миллиону 100 ҳазор сомонӣ маблағ аз худ шуда, то охири соли равон ба маблағи 10 млн. сомонӣ корҳои сохтмонӣ ба субут расонида мешаванд. Аз хадамоти матбуоти раиси вилояти Суғд ба мухбири АМИТ «Ховар» хабар доданд, ки рафти бунёди иншооти ҷашнӣ дар вилоят зери назорати шахсии раиси вилоят Қ. Расулзода қарор дошта, корҳои сохтмонӣ мутобиқ ба лоиҳаҳои муқарраргардида идома доранд.
Имрӯз дар Тоҷикистон ҳавои тағйирёбанда дар назар аст
Имрӯз дар вазоратҳои корҳои дохилӣ, адлия, Суди Олӣ, Хадамоти гумрук ва Палатаи ҳисоб нишасти матбуотӣ баргузор мегардад
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
3010 нафар сайёҳони хориҷӣ манзараҳои нотакрори Ховалингро тамошо намуданд
Дар Хатлон 165 бинои нави муассисаҳои таълимӣ бунёд карда мешавад
