БУРЁКӮБОНИ 9 ОИЛА ДАР КӮЛОБ

Сентябрь 2, 2010 14:43

  Кӯлоб, 2 август. (АМИТ «Ховар», Сулаймон Холов). — Ширкати  «Ёқут- 2000»-ум дар қатори дигар вазорату корхона ва идораҳои сохтмонию соҳибкорон сохтмони панҷ хонаи истиқоматиро дар маҳали чоруми сохтмонии шаҳри Кӯлоб ба ӯҳда гирифта, дар муддати дуюним моҳ хонаҳоро бо сифати баланд сохта, мавриди истифода қарор дод. Дар расми ба истифода супоридани хонаҳои истиқоматӣ раиси шаҳри Кӯлоб иштирок намуда, баъди аз назар гузаронидани хонаҳо ва сӯҳбат бо шаҳрвандон дар ҳолати тантанавӣ сипосномаи мардуми шаҳри Кӯлобро ба роҳбари ширкати мазкур тақдим намуд. Дар сохтмони панҷ хона давоми дуюним моҳ 70 нафар сохтмончиёни баландихтисос аз шаҳри Душанбе ва сохтмончиёни маҳаллӣ ҷалб гардида буданд. Кормандони Иттифоқи ҷамъияти «Тоҷикматлубот»-и Ҷумҳурии Тоҷикистон, ки сохтмони 4 хонаи истиқоматӣ ва ду мағозаро дар қитъаҳои якум ва чорум ба ӯҳда гирифта буданд, дар вазъи тантанавӣ калиди хонаҳоро ба соҳибонашон супориданд. Сокинон аз сифати сохтмони хонаҳо изҳори қаноатмандӣ намуда, миннатдории худро ба роҳбарияти кишвар, ширкати «Ёқут- 2000»-ум ва Иттифоқи ҷамъияти «Тоҷикматлубот»-и Ҷумҳурии Тоҷикистон баён намуданд. Бояд тазаккур дод, ки то имрӯз 80 фоизи хонаҳои истиқоматӣ дар 6 қитъаи сохтмонӣ барои оилаҳои аз офати табиӣ зарардида мавриди истифода қарор гирифтаанд. Бино ба иттилои масъулин то оғози фасли сармо ҳамаи манзилҳои зист ба истифода дода мешаванд.                                                                     Таҳрири М. Анварӣ

Сентябрь 2, 2010 14:43

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд