ЭМГУЗАРОНӢ БАР ЗИДДИ БЕМОРИИ ФАЛАҶ ДАВОМ ДОРАД…
Душанбе, 30 сенбяр. (АМИТ «Ховар», Назир Назиров).-Зимни сӯҳбат бо мухбири АМИТ «Ховар» сарвари Маркази ҷумҳуриявии таълимӣ-клиникии тибби оилавӣ Ҷабборова Тахмина Солиҷоновна изҳор намуд, ки ин марказ моҳи апрели соли 1999 таъсис ёфтааст ва аз ду бахш иборат аст: клиникӣ (10 пизишк, 12 хоҳари шафқат) ва таълимӣ (15 пизишк, 8 хоҳари шафқат). Дар қисми клиникии марказ пизишкҳои хело ҳам ботаҷриба аз он ҷумла номзадҳои илм бо ихтисосҳои касалиҳои дил, ҷарроҳӣ, чашм, гулӯю гӯшу бинӣ фаъолият менамоянд. Дар маркази тибби оилавӣ, ҳар як пизишк якчанд касбро иҷро менамояд: касалиҳои кӯдакона, дарунӣ, гӯлую гӯшу бинӣ, занона. Ӯ ёрии тиббиро новобаста аз ҷинс, синну сол, ташхиси касалӣ мерасонад ва як пизишк ба 1200 нафар шахс, аз он ҷумла ба хурду калон хизмати тиббӣ мерасонад. Дар бораи бемории фалаҷ Ҷабборова Т.С. изҳор намуд, ки ин мариз ба ҷумҳурии мо аз Афғонистон ва Ҳиндустон гузаштааст ва бояд қайд кард, ки ин вирус то ҳоло дар Тоҷикистон маълум набуд. Марказ 97-99% аҳолиро эмгузаронидааст. Натиҷаи кор дар Маркази тибби оилавӣ нишон медиҳад, ки ин намуди тиб хело ҳам басамар, таъсирбахш аст ва дар оянда мумкин аст, ки ин шакли хизматрасонии тиббӣ нисбат ба тибби анъанавӣ бештар истифода шавад. Аз ин лиҳоз, бо ризоияти Ҳукумат, Вазорати тандурустӣ лоиҳаи қонун «Дар бораи вусъатдиҳии тибби оилавӣ»-ро ба Маҷлиси Намояндагони Маҷлиси Олии ҶТ пешниҳод намудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






