ФАРМОНДЕҲИ НАВИ ПОЙГОҲИ НИЗОМИИ 201-УМИ ФЕДЕРАТСИЯИ РУСИЯ ДАР ТОҶИКИСТОН

Душанбе, 6 сентябр. (АМИТ «Ховар», Жасмин Назарова). — 5 сентябри соли 2010 дар Пойгоҳи низомии 201-уми ду карат ордени Байрақи сурхдори Гатчинаи Федератсияи Русия дар Тоҷикистон маросими шиносоӣ бо фармондеҳи нави пойгоҳи мазкур полковник Сергей Павлович Рюмшин баргузор гардид.  Тавре хабарнигори АМИТ «Ховар» иттилоъ медиҳад, С.П. Рюмшин бо фармони Вазири мудофиаи Русия ба ин вазифа таъин шуд.    Полковник С.Рюмшин 13 сентябри соли 1965 дар шаҳри Курск таваллуд шудааст. Ӯ омӯзишгоҳи олии танкии Харков, Академияи ҳарбии қисмҳои ҳарбии зиреҳпӯш ва Академияи ҳарбии Ситоди кулли Қувваҳои мусаллаҳи Федератсияи Русияро хатм кардааст. Фаъолияти меҳнатии С. Рюмшин дар маркази таълимии округҳои ҳарбии Приволжски Урал оғоз ёфта, баъдан дар округҳои ҳарбии Закавказйе ва Шарқи дур давом кардааст. Мавсуф зимни фаъолияти меҳнатии худ аз дараҷаи аскари қаторӣ то муовини сардори округи ҳарбӣ ба камол расонидааст. Бояд қайд кард, ки С. Рюмшин бо 5 медали ҳарбӣ мукофотонида шудааст. Оиладор, соҳиби ду фарзанд. Ёдовар мешавем, ки ӯ дар вазифаи фармондеҳи 201-ум Пойгоҳи низомии ду карат ордени Байрақи сурхдори Гатчинаи Федератсияи Русия полковник И.Л.Красинро иваз намуд.