ГЕРОИН ДАР ДОХИЛИ ХАЛТА

Душанбе, 14 сентябр. (АМИТ «Ховар», Жасмин Назарова). – 13 сентябри соли равон ҳангоми гузаронидани чораҳои фаврӣ — ҷустуҷӯӣ дар назди дидбонгоҳи Деҳмойи вилояти Суғд, автомашинаи тамғаи «Тайота-Ланд-Крузер», ки ба Тошбеков Авазбек (соли таваллудаш 1974) истиқоматкунандаи ноҳияи Рушони ВМКБ, тааллуқ дошт, дастгир карда шуд. Тавре аз дафтари матбуоти Вазорати корҳои дохилии ҶТ иттилоъ доданд, ҳангоми кофтуков аз дохили автомашинаи мазкур 4 бастаи полиэтиленӣ, ки дар дохилаш маводи мухаддири «героин» буда, вазнаш 3 кг 662 граммро ташкил медод, дарёфт ва мусодира карда шуд. Нисбат ба ин далел парвандаи ҷиноӣ оғоз шуда, тафтиш идома дорад.