ХУДИ ИНҲО БЕМОРИРО ХОСТАНД

Душанбе, 29 сентябр. (АМИТ «Ховар», Лаззат Диловарзод).- Бино ба маълумоти Маркази пешгирӣ ва мубориза ба муқобили бемории масъунияти бадан — ВИЧ/СПИД дар Ҷумҳурии Тоҷикистон, шумораи беморони мубталои  ВИЧ/СПИД ба 2204 нафар расидааст.    Бино ба иттилои ҳамин манбаъ, роҳи асосии сироятшавии ин беморӣ тавассути истифодаи сӯзандору  мебошад, ки  55,2 фоизро ташкил медиҳад. Ҳамчунин, 28,1 фоиз     бо роҳи алоқаи ҷинсӣ гирифтори ин беморӣ гардиданд.    Айни замон аз рӯи маълумоти расмӣ, 458 нафар занони мубталои бемории мусбии масъунияти бадан ба қайд гирифта шудаанд, ки аз ин шумора  137 нафарашон  ҳомиладоранд,- иброз дошт ҷонишини аввали вазири тандурустӣ Саида Ҷобирова ба мухбири АМИТ «Ховар».