ИСТЕҲСОЛИ МОЛ ВА ФУРӮШ ДАР САВДОИ ЧАКАНА

Душанбе, 28 сентябр. (АМИТ «Ховар», Лаззат Диловарзод).- Бино ба маълумоти Агентии омори назди Президенти Ҷумҳурии Тоҷикистон дар моҳҳои январ – августи соли 2010  аз ҷониби  ҳамаи шаклҳои моликият ва ашхоси воқеӣ ба аҳолии ҷумҳурӣ ба  маблағи 4 млрд. 56 млн. сомонӣ мол фурӯхта шудааст.    Дар 8 моҳи гузаштаи соли ҷорӣ ҳаҷми умумии гардиши мол дар савдои чаканаи бозорҳо ва дигар сохторҳои тиҷоратӣ 3 млрд. 933,1 млн. сомониро ташкил дод.    Дар ин давра ба маблағи 387,3 млн.сомонӣ чорвои зинда, 138,9 млн. сомонӣ автомобилҳои боркаш ва сабукрав, 342,3 млн. сомонӣ маҳсулоти нафтӣ ва ба маблағи 823,5 млн сомонӣ маҳсулоти озуқаворӣ, сабзавот, картошка, мева, маводи сохтмонӣ, газвор, пойафзол, мебел, асбобу анҷоми барқӣ ва боз даҳҳо номгӯй маҳсулот фурӯхта шудаанд.