ИСТИҚБОЛ АЗ ИСТИҚЛОЛИ ТОҶИКОН ДАР АФҒОНИСТОН

Душанбе, 17 сентябр. (АМИТ «Ховар», Фарангис Раҳимова). – Чанде пеш дар Кобул чорабинии идонаи расмӣ бахшида ба ифтихори 19-умин солгарди Истиқлолияти Ҷумҳурии Тоҷикистон баргузор гардид.   Тавре аз Сафоратхонаи Давлати Исломии Афғонистон ба хабарнигори АМИТ «Ховар» хабар доданд, дар чорабинии идона раиси миллию машваратии Ҷиргаи сулҳи Афғонистон Бурҳониддин Раббонӣ, намояндаи палатаи поёнии Давлати Исломии Афғонистон Юнус Конунӣ, Вазири ВКД ДИА Бисмиллоҳ Муҳаммадӣ, Вазири фарҳанг ва иттилоот Сайид Маҳмуд Роҳин ва дигар намояндагони расмии Ҳукумати Афғонистон, Шӯрои вазирон, вакилон, корпусҳои дипломатии дар Афғонистон қарордошта иштирок намуданд.                «Дар чаҳорчӯби чорабинӣ таомҳои миллӣ ва оҳангҳои миллии тоҷикӣ пешкаши меҳмонон гардид. Меҳмонон, ҳамчунин, бо ҳаёти имрӯзаи Тоҷикистон ва сиёсати созандаи он ошноӣ пайдо намуданд. Дар фарҷоми чорабинӣ китоби Президенти Ҷумҳурии Тоҷикистон Эмомалӣ Раҳмон «Имоми Аъзам ва мо» ба меҳмонон тӯҳфа карда шуд», — хабар дод манбаъ.