Вакили Маҷлиси намояндагон дар ҷаласаи Комиссияи доимии Ассамблеяи байнипарлумонии давлатҳои ИДМ иштирок намуд

Октябрь 26, 2026 17:05

ДУШАНБЕ, 26.10.2026 /АМИТ «Ховар»/. Аз 21 то 23 октябр дар  шаҳри Тошканди Ҷумҳурии Узбекистон ҷаласаи Комиссияи доимии Ассамблеяи байнипарлумонии давлатҳои иштирокдори Иттиҳоди Давлатҳои Мустақил оид ба фарҳанг, иттилоот, сайёҳӣ ва варзиши назди Ассамблеяи байнипарламентии давлатҳои иштирокдори Иттиҳоди Давлатҳои Мустақил баргузор гардид. Дар ин хусус ба АМИТ «Ховар» аз Маҷлиси намояндагони Маҷлиси Олии Ҷумҳурии Тоҷикистон хабар доданд.

Дар ҷаласа   вакили Маҷлиси намояндагони Маҷлиси Олии Ҷумҳурии Тоҷикистон, аъзои Кумита оид ба корҳои байналмилалӣ, иттиҳодияҳои ҷамъиятӣ ва иттилоот Фарзона Хоҷазода иштирок намуд.

Дар ҷаласа масъалаҳои марбут ба такмили санадҳои ҳуқуқии намунавӣ дар соҳаҳои бойгонӣ, ҳифзи маълумоти шахсӣ, варзиши донишҷӯён ва фаъолияти иттифоқҳои эҷодӣ мавриди баррасӣ қарор гирифтанд. Аз ҷумла, консепсияи тағйиру иловаҳо ба қонуни намунавии «Дар бораи архивҳо ва фонди архивӣ» пешниҳод гардид, ки навсозии қоидаҳои нигоҳдорӣ ва истифодаи ҳуҷҷатҳои электронӣ, таъмини бутунии маводи бойгонӣ ва фароҳам овардани имконияти барқарорсозии онҳоро дар бар мегирад.

Ҳамчунин, иштирокчиён консепсияи таҳрири нави қонуни намунавии «Дар бораи маълумоти шахсӣ»-ро баррасӣ намуда, зарурати ба инобат гирифтани хусусиятҳои коркарди маълумот дар платформаҳои рақамӣ, барномаҳои мобилӣ ва системаҳои зеҳни сунъиро таъкид карданд.

Дар ҷаласа инчунин пешниҳоди таҳияи тавсияҳо оид ба ҳамкории давлатҳои иштирокдори Иттиҳоди Давлатҳои Мустақил дар ҳолатҳои фавқулода дар соҳаи сайёҳӣ баррасӣ гардид. Иброз шуд, ки ҳамоҳангсозии амалҳои кишварҳо ҳангоми қатъ гардидани робитаҳои нақлиётӣ ва дигар ҳолатҳои буҳронӣ барои ҳифзи ҳуқуқу манфиатҳои сайёҳон муҳим мебошад.

Дар доираи чорабинӣ масъалаҳои густариши ҳамкориҳои илмию таълимӣ ва рушди захираҳои рақамӣ низ баррасӣ шуданд.

АКС: Маҷлиси намояндагони Маҷлиси Олии Ҷумҳурии Тоҷикистон

 

 

Октябрь 26, 2026 17:05

Хабарҳои дигари ин бахш

Дар Тоҷикистон ҳаҷми Маҷмуи маҳсулоти дохилӣ 18,4 миллиард сомонӣ зиёд гардид
Ҳайати парлумонии Тоҷикистон дар ҷаласаи 61-уми пленарии Ассамблеяи байнипарламентии ИДМ иштирок менамояд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Эҳтиром ба Рӯзи Президент эҳтиром ба давлат, миллат, Истиқлолияти давлатӣ ва сулҳу ваҳдат аст
Китоби «Президент ва ниҳоди президентӣ дар Ҷумҳурии Тоҷикистон» рӯнамоӣ гардид
Дар Маҷлиси намояндагон бахшида ба Рӯзи Президенти Тоҷикистон ҳамоиш баргузор гардид
ИҶЛОСИЯИ XVI ШУРОИ ОЛӢ ВА РӮЗИ ПРЕЗИДЕНТ. Таҳлили ҳуқуқии мафҳумҳои конститутсионӣ ва таърихии давлатдорӣ
ДАР МЕҲВАРИ СУЛҲ, ВАҲДАТ ВА СОЗАНДАГӢ. Мулоҳизаҳо оид ба рисолати таърихии Пешвои миллат муҳтарам Эмомалӣ Раҳмон
Раиси Маҷлиси намояндагон бо Сафири Беларус дар Тоҷикистон вохӯрӣ намуд
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд