КӮМАК БА ТОЛИБИЛМОНУ ДОНИШҶӮЁН

        Душанбе, 6 сентябр.(АМИТ «Ховар», Марзия Саидова).- Намояндагии Кумитаи байналмилалии имдоди имом Хумайнӣ дар Ҷумҳурии Тоҷикистон бо оғози соли нави таҳсили 2010-2011 ба 7 ҳазору 500 нафар толибилмон кӯмак расонд. Хонандагон аслан фарзандони  оилаҳои ниёзманд буда, онҳо таҳти сарпарастии Кумитаи имдод қарор доранд. Кӯмакҳо асосан аз воситаҳои  хониш ва таълимӣ, ба мисли ҷузвдон, лавозимоти хатнависӣ аз қабили дафтар, худкор, қалам ва ғайраҳо иборат мебошад.      Назар ба иттилои корманди масъули Кумитаи мазкур Абдуғаффори Солеҳ Кумита тасмим гирифтааст, ки вақтҳои наздик ба 400 нафар донишҷӯёни тоҷик, ки аз ҳисоби Кумита дар мактабҳои олии ҷумҳурӣ таҳсил мекунанд, кӯмакҳои моддӣ расонад