КӮМАКИ КИШВАРИ ДӮСТ

Душанбе, 27-уми сентябр.(АМИТ «Ховар», Марзия Саидова).-  Ҳукумати Ҷумҳурии Ҳиндустон ба сокинони аз офатҳои табиӣ зарардидаи шаҳри Кӯлоб 200 ҳазор доллари амрикоӣ маблағ кӯмак расонд.        Аз Сафорати Ҷумҳурии Ҳиндустон дар Ҷумҳурии Тоҷикистон ба АМИТ «Ховар» иттилоъ доданд, ки маблағи ҷудогардида 24 сентябри соли 2010 ба Ҳукумати Ҷумҳурии Тоҷикистон расонида шуд.       Мавриди зикр аст, ки бар асари боронҳои пайдарпайи моҳи май ва омадани сели калон дар маҳаллаи Чармгарони Поёни шаҳри Кӯлоб мардуми зиёд бе манзил монд. Инчунин, офати табиӣ хисороти зиёди ҷонию молиро ба бор оварда буд, ки ҳаҷми он ба миллионҳо сомонӣ баробар аст. 14.15.