КАСАЛИҲОИ СИРОЯТӢ ПЕШГИРӢ КАРДА МЕШАВАНД

           Душанбе, 17 сентябр. (АМИТ «Ховар», Лаззат Диловарзод).-  Бино ба гуфти сардори Хадамоти назорати давлатии байтории Вазорати кишоварзӣ, доктори соҳаи ветеринарӣ  Муллоҷон Амирбеков, дар ҷаласаи генералии 78 – уми Бюрои Байналмилалии Эпизотӣ Ҷумҳурии Тоҷикистон дар қатори дигар давлатҳои Осиёи Марказӣ аз касалии тоуни чорвои хурди шохдор солим эълон карда шуд.               Миёни 152 мамлакат, ки намояндагони ташкилоти озуқаворӣ ва кишоварзии СММ, Созмони умумиҷаҳонии савдо, Ташкилоти умумиҷаҳонии тандурустӣ иштирок карданд, иброз дошта шуд, ки дар бисёр мамлакатҳои ҷаҳон аз касалиҳои хавфноки сироятии ҳайвонот: вабои сумдарди чорво, бруселлёз, сӯхтанӣ, ҳорӣ ва тоуни чорвои хурди шохдор   давлатҳо садҳо миллион доллари амрикоӣ зарари калони иқтисодӣ мебинанд.             Бо вуҷуди мушкилоти молиявӣ, Ҷумҳурии Тоҷикистон аз ҳисоби захираҳои давлатӣ баҳри пешгирии касалиҳои хавфноки сироятӣ барои соли 2010 маблағи муайян ҷудо намуд, ки он бо тарзи мақсаднок истифода гардида, ҳамагуна касалиҳои сироятии чорво дар 8 моҳи соли ҷорӣ пешгирӣ карда шудааст,- иброз дошт М. Амирбеков ба мухбири АМИТ «Ховар».