КИТОБ ОИДИ ТАБОБАТИ САНГИ ГУРДА БА ЧОП РАСИД

Сентябрь 28, 2010 10:02

Душанбе, 27 сентябр. (АМИТ «Ховар», Дилшодаи Ҷонмард).- Китоби нави кормандони Донишкадаи байналмиллалии ба номи Абӯалӣ ибни Сино, академики Тибби исломии Эрон, доктори илмҳои тиб, профессор Юсуф Нуралиев ва номзади илмҳои тиб, Корманди шоистаи Тоҷикистон Саидҷон Нодирӣ дар нашриёти «Гулбарг»-и ҶИЭ бо теъдоди се ҳазор нусха нашр гардид.  Номи китоб «Бӯалӣ ва гиёҳдармонии амрози санги кулия» (гурда) буда, дар он ривоёти Абӯалӣ ибни Сино оид ба бемориҳои санги гурда чоп шудаанд.             Китоб аслан зиндагиномаи Абӯалӣ ибни Сино ва табибони ҳамасри ӯро дар бар мегирад.             Як боби китоб пурра ба роҳҳои пешгирӣ ва табобати бемориҳои санги гурда тавассути  гиёҳҳои шифобахш ва парҳез бахшида шудааст.             Бобҳои дигар номгӯи яксаду даҳ гиёҳи фармудаи Сино, таркиби химиявии онҳо, тарзи тайёркунӣ, нигоҳдорӣ, тадбирҳои курси табобати на танҳо касалиҳои гурда, дил, қанд, балки касалиҳои занона низ  дар ҳамбастагӣ бо тибби муосир пешниҳод шудаанд.             Китоб барои оммаи васеи хонандагон ва донишҷуёни Донишгоҳи тиббӣ пешниҳод шудааст. Ёдовар мешавем, ки  китоби мазкур чандин маротиба дар Намоишгоҳи байналмилалии китоб иштирок намуда, аз сабаби талаботи зиёд ба он бори панҷум нашр мешавад. Ин натиҷаи кори аввалини олимони тоҷик дар ҶИЭ мебошад. Бояд гуфт, ки китоб муфассал ва оммафаҳм навишта шуда, роҳнамои хубест барои пешгирӣ ва табобати бемориҳои  санги гурда.

Сентябрь 28, 2010 10:02

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд