КОМИССИЯИ БОСАЛОҲИЯТИ ҚОҲИР РАСУЛЗОДА

         Душанбе, 17 сентябр. (АМИТ «Ховар», Лаззат Диловарзод).- Бино ба иттилои ёвари раиси вилояти Суғд Қоҳир Расулзода, дар робита бо арзу шикояти сокинони шаҳру навоҳии вилоят  раис аз ҳисоби кормандони масъули ниҳодҳои дахлдор гурӯҳи корӣ таъсис дод.             Гурӯҳи корӣ баъзе камбудиҳоро дар кори Кумитаи заминсозии як қатор ноҳияҳои вилоят ва масъулини ҷамоатҳои деҳот ва мақомоти иҷроияи  маҳаллии ҳокимияти давлатии ноҳияҳои вилоят ошкор намуд.             Ба андешаи раиси вилоят Қоҳир Расулзода, баррасии арзу шикояти мардум натиҷаи фориғболии масъулини мақомоти маҳаллӣ дар иҷрои вазифаҳои ба онҳо супоридашуда буда, маъниии иҷро накардани онҳоро  ҳамчун хизматчии давлатӣ дар сатҳи зарурӣ дониста мешавад.             Бо мақсади баррасии арзу шикояти шаҳрвандон рӯзи кабули онҳо аз тарафи  мақомоти маҳаллии ҳокимияти давлатии шаҳру ноҳияҳо вуҷуд дорад, ки ҳадафи он ҳвалли масъалаҳои ба миён гузоштаи шаҳрвандон ва беҳбудӣ бахшидан ба рӯзгори сокинон ва огаҳӣ ёфтан аз вазъи иҷтимоию иқтисодии онҳо мебошад,- иброз дошт ёвари раис   ба мухбири АМИТ «Ховар».