КУШТОРИ БЕРАҲМОНА ДАР ДУШАНБЕ

Душанбе, 14 сентябр. (АМИТ «Ховар», Жасмин Назарова). – 13 сентябр истиқоматкунандаи ноҳияи Фархор Меҳроб Исломов (соли таваллудаш 1988), ба хонаи истиқоматии шаҳрванди шаҳри Душанбе Басбӣ Зарипова (соли таваллудаш 1970) даромада, дар рафти сӯҳбат байни онҳо муноқиша сар мезанад. Дар натиҷаи муноқиша М. Исломов Б. Зариповаро бо корди ошхона 15 маротиба ба узвҳои гуногунаш мезанад. Б. Зарипова аз сабаби гирифтани ҷароҳатҳои ҷисмонӣ дар ҷои ҳодиса ба ҳалокат мерасад. Инчунин, ҷиноятпеша 1 адад  гарданбанд ва 2 адад ангуштарини тиллоии ҷабрдидаро гирифта, аз ҷои ҳодиса ғайб мезанад. Тавре аз дафтари матбуоти Вазорати корҳои дохилии ҶТ иттилоъ доданд, далели шайъӣ аз ҷои ҳодиса гирифта шуд ва оид ба ин ҳодиса парвандаи ҷиноӣ оғоз шуда, тафтиш идома дорад.