МӮҲЛАТИ БАИСТИФОДАДИҲӢ ТАҒЙИР ЁФТ

       Душанбе, 23 сентябр. (АМИТ «Ховар», Лаззат Диловарзод).- Аз Вазорати энергетика ва сохтмон ба мухбири АМИТ «Ховар» иттилоъ доданд, ки  мӯҳлати баистифодадиҳии нерӯгоҳи «Сангтӯда — 2» тағйир дода шуд,- гуфт пудратчии генералии сохтмон  Саид Аскарӣ. Ба гуфти ӯ, тибқи шартномаи баимзорасида, нерӯгоҳи «Сангтӯда-2» на дар моҳи феврали соли 2012, балки моҳи сентябри соли 2011 ба муносибати ҷашни  20 – солагии Истиқлолияти давлатии ҶТ ба истифода дода мешавад.             Ба гуфти роҳбари ширкати сохтмонии «Сангоб» — и Эрон  мӯҳлати  мавриди истифода қарор додани нерӯгоҳ танҳо дар сурати пайдо шудани мушкилоти интиқоли масолеҳи сохтмонӣ аз Эрон ва дигар давлатҳои Аврупо тавассути сарҳади Ӯзбекистон мумкин аст тағйир ёбад.         Айни замон чунин мушкилот вуҷуд надорад, бору маводи сохтмонӣ бе монеа тавассути роҳи оҳан    ба макони иншооти сохтмонӣ расонида мешавад. Мушкилоти  қаблӣ бо Ҷумҳурии Ӯзбекистон роҳи ҳалли худро пайдо кардааст.