МАКТАБИ НАВ ДАР ШӮРООБОД

           Душанбе, 23 сентябр. (АМИТ «Ховар», Фарангис Раҳимова). – Дар ҷамоати Сари Чашмаи ноҳияи Шӯрообод  мактаби таҳсилоти ҳамагонии № 23, ки ба наздикӣ таъмир гардида буд,  ба истифода дода шуд.             Тибқи иттилои манбаъ дар маросими ба истифода додани мактаб, намояндагони Вазорати маорифи ҶТ, мақомоти иҷроияи ҳокимияти давлатии ноҳияи Шӯрообод ва Сафорати ИМА дар Тоҷикистон иштирок намуданд.             Тавре аз Сафорати ИМА дар Тоҷикистон ба АМИТ «Ховар» хабар доданд, лоиҳаи мазкур   аз ҷумлаи  лоиҳаҳои бешумори мададрасонест, ки аз ҷониби Сафорати ИМА дар Тоҷикистон аз номи халқи Амрико амалӣ мегардад.             Корҳои таъмирии бинои мактаби якошёна аз ҷониби Сафорати ИМА ба маблағи 50 ҳазор доллари ИМА сармоягузорӣ шуда, аз ҷониби Ҳайат оид ба робита бо аҳолӣ иҷро гардид.